المساعدة - البحث - قائمة الأعضاء - التقويم
باص نجع الكلامنجيه وصل
نجع الكلامنجية > الشارع العمومي > كلام ابن عم حديت
1, 2, 3
تسنيم
المسرح الرومانى

المسرح الروماني بالإسكندرية في كوم الدكة هو أحد آثار العصر الروماني وقد تمت إقامته في بداية القرن الرابع الميلادي وهو المسرح الروماني الوحيد في مصر.

وقد تم اكتشاف هذا المبنى بالصدفة،أثناء إزالة التراب للبحث عن مقبرة الإسكندر الأكبر بواسطة البعثة البولندية في عام 1960. أطلق عليه الأثريون اسم المسرح الرومانى عند اكتشاف الدرجات الرخامية،

ولكن ثار جدل كبير حول وظيفة هذا المبنى الأثرى. وقد استغرق التنقيب عنه حوالي 30 سنة.

واصلت البعثة البولندية بحثها بالاشتراك مع جامعة الإسكندرية إلى أن تم اكتشاف بعض قاعات للدراسة بجوار هذا المدرج في شهر فبراير 2004، وهذا سوف يغير الاتجاه القائل بأن المدرج الرومانى هو مسرح؛

فهذا المدرج من الممكن أنه كان يستخدم كقاعة محاضرات كبيرة للطلاب، وفى الاحتفالات استخدم كمسرح.










تسنيم
صوره فندق فلسطين فى المنتزه



صوره الجندى المجهول



صوره مسجد المرسى ابو العباس



صوره كبرى استانلى



صوره لكورنيش الاسكندريه






تسنيم

اروع صور للشواطئ


صوره للغروب فى قمه الرومانسيه



وصوره اخرى تحكى عن الاسكندريه



خلاويص خلصنا

ووريتكم اسكندريه اللى فعلا احلى من اى مكان تانى
اهو يا راجيه بيضت وشك

واى خدعه
وسلامو عليكو
*حماس*
ايه يا بت الحلاوه ديه كلها والصور الحلوه ديه
انتى عايشه فى الجمال ده كله لوحدك مش تعزمينى عندكم
تسلم ايدك يا قمر صور جميله ومعلومات قيمه جدا
*حماس*
معانا الاخ جوبا دلوقتى وبعده الاخ سيف الاسلام
يلا يا اخ جوبا منتظريين نعرف المنصوره
SAIF_EL_ISLAM_3BDELRA7MAN
لاااااااااااااااااااااا
انا جاى ابليكم كلكم
مينفعش كدااااااااااااااااااااااااااااااااااا
عاشقه الجمال
جميله يا تسنيم

عيسوى
جميل جدا يا عاشقه انتى وتسنيم أكرمكم الله

حماس احم احم نحن هنا هو الباص اخدتوه على حسابكم ولا ايه
*حماس*
لا احنا نقدر برده
خلاص معنا الاخ سيف الاسلام على ما يجى الاخ جوبا
وبعدهم الاخ عيسوى ان شاء الله
*حماس*
يلا منتظريين الاخ سيف الاسلام
تسنيم
إقتباس
ايه يا بت الحلاوه ديه كلها والصور الحلوه ديه
انتى عايشه فى الجمال ده كله لوحدك مش تعزمينى عندكم
تسلم ايدك يا قمر صور جميله ومعلومات قيمه جدا

اى خدمه يا حماس
تعالى يا قمر والله تنورى وحتعجبك اوووووووووى

إقتباس
جميله يا تسنيم


انتى الاجمل يا عاشقه

إقتباس
جميل جدا يا عاشقه انتى وتسنيم أكرمكم الله


جزاك الله خيرا يا استاذ عيسوى

ياريت مننساش الالقاب
SAIF_EL_ISLAM_3BDELRA7MAN
السلام عليكم ورحمة الله وبركاته
طب الوقت ده انا مش محضر زى الناس
بس مبحبش التحضير كتيييييييييييييييير
كفاية اللى جواناااااااااااااا وعارفينه
طبعا انا مدينتى اسمها عااااااااااااااصمة الإخوان المسلمين
اعضاء كتييير جداااااااااااا جابوا صور لاشهر مناطق المدينة
انا بقى عايز اعمل تطور صغير اننا ننزل من الباص ونعمل زيارة للمدينة
نتعرف على اهلها واماكنها الاستراتيجية
عموما هي مدينة كبيرة وعدد سكانها كبير ايضا طبعا مش حجيب ارقام
بس مقارنة بالقاهرة ليست مزدحمة متوفر بها المواصلات وكل شىء طبعا عدا اوقات الذروة (الجدع يوصل بيته))الا الاشداء
اهلها اهل كرم وحب من الصعب جدااااااااا ان تجد الفتونة الكدابة
ساتكلم بصراحة
بان بلدتى تعتبر نصفين نصف للشكل المتدين فى ملصقاته التى تملأ الشوارع ونصف لاشكال غريبة انتشرت وهيه اشكال الموضة على طريقة التبرج السافر انتشرت عندنا بشكل كبييييييييييير جداااااااااااااااااااااا
ويمكن انتشرت ف مصر كلها
بس بردو الشىء اللى بيميز مدينتى انها محتفظه باكبر قدر ممكن من طابعها الاسلامى المحترم
وكما قلت سلفاً بها رموز الاخوان المسلمين
ومنهم على سبيل المثال لا الحصر
الدكتور ابراهيم الزعفرانى
والدكتور عبد المنعم ابو الفتوح
والدكتور توكل محمد محمد مسعود
والدكتور حسن البرنس
والحاج المرحوم محمود شكرى
والاستاذ حسين محمد
والشيخ وجدى غنيم
والدكتور عمر عبد الكافى
وشيخنا وابى الشيخ احمد المحلاوى
كلللللللللللللهم واكثر بكثير من مدينتى
والحمد لله لايوجد منطقة فى الاسكندرية لايوجد بها على الاقل 5مساجد لدعوة الاخوان المسلمين
واذا اردت ان ترى شعب الاسكندرية حقاً
فتعالا لتراه فى المؤتمرات التى تعقد امام مسجد القائد ابراهيم ف محطة الرمل
او فى شارع سوتير امام المجمع النظرى
ترى الشعب كله ملتحم تحت كلمة واااااااااااااااااااااااااحدة وتحت نداء واحد ومطلب واحد
وهو ان العزة لله وحدة
تكلمت اكثر عن الجانب الدينى ولم اكمل فهناك حوار صغير سنجريه عندما نركب الاتوبيس السياحى ابو دورييييييييييييييييييييييييييييييييين الاحمر وده مفاجأة الرحلة انتظرونى واعذرونى على عدم التنسيق


SAIF_EL_ISLAM_3BDELRA7MAN
وطبعا يكفى ان خطيبتى اسكندرااااااااااااااااااااااااااااااااااااااااااااااااااااااااااانية
*حماس*
جميله التقديمه الجامده ديه لبلدكم بجد رائئئئئئئعه
ومنتظريين الباقى لما نطلع تانى الباص
وسلملنا على خطيبتك
الفنان
الله موضوع رائع وعرض شيق من كل الأعضاء
فكرة جميلة جعلها الله في ميزان حسناتك

انا عاوز احجز مكان في الباص بس في سؤال
الفطار علي مين
راجية الرحمة
بما ان الكلام على اسكندريه فيبقى الفطار علينا يااستاذ فنااااااان
والله انا سعيده جدددددا برجوعك


وشطوره خالص يتسنيمتى بيضتى وشنا على الاخر وصور القلعه من البحر تحففففففففففففه
اباشهاب الفاتح
رووووووووووعه

جدااااااااااااااا

مبدعه دائماً يا اختي

هنستفاد كتيييييييير من الموضوع ده
*حماس*
إقتباس(الفنان @ 11th Apr 2010, 11:10 AM) *
الله موضوع رائع وعرض شيق من كل الأعضاء
فكرة جميلة جعلها الله في ميزان حسناتك

انا عاوز احجز مكان في الباص بس في سؤال
الفطار علي مين

اكيد طبعا حضرتك تشرف الباص
تشرفنا بمرور حضرتك والقطار على اسكندريه دلوقتى
وجزاكم الله خيرا على مروركم
*حماس*
إقتباس(راجية الرحمة @ 11th Apr 2010, 12:28 PM) *
بما ان الكلام على اسكندريه فيبقى الفطار علينا يااستاذ فنااااااان
والله انا سعيده جدددددا برجوعك


وشطوره خالص يتسنيمتى بيضتى وشنا على الاخر وصور القلعه من البحر تحففففففففففففه

الاسكندريه جميله باهلها
وحشتينى يا قمر
*حماس*
إقتباس(اباشهاب الفاتح @ 11th Apr 2010, 12:44 PM) *
رووووووووووعه

جدااااااااااااااا

مبدعه دائماً يا اختي

هنستفاد كتيييييييير من الموضوع ده

ربنا يكرمك يارب
وجزاكم الله خيرا على مروركم وربنا يفيدكم بيه يارب
جنة الله
موضوع رااائع وكنت فاكرة انى رديت
الظاهر ان المتصفح عندى بيستهبل ولا ايه !!
مش عارفة بقى
المهم موضوع جميل جدا يا حماس
وانا برده احجز مكان في الباص
*حماس*
إقتباس(جنة الله @ 11th Apr 2010, 06:21 PM) *
موضوع رااائع وكنت فاكرة انى رديت
الظاهر ان المتصفح عندى بيستهبل ولا ايه !!
مش عارفة بقى
المهم موضوع جميل جدا يا حماس
وانا برده احجز مكان في الباص


نورتينى يا قمر
والباص باصك يعنى نورتيه
*حماس*
يلا يا جماعه ايه هتسيبوا الباص فاضى كده
ولا ايييييييييييييه
مستنياكم
محبة الرحمن
انا زعلانة منكم sad.gif
كده تروحوا القاهرة من غيرى
ده أنا كان نفسى اغير جو

بس عاشقة الجمال طلعت ايه مرشدة سياحية هى وتسنيم
وحشتونى يابنات والله

وبما اننا لسه فى اسكندرية مدينتى انا ممكن اعرفكم على مناطق تانية تسنيم مش عرفتكم عليها
بس انا هحط صور من غير كلام كتير
محبة الرحمن
اه على فكرة انا حاجزة جنب راجية وتسنيم
وراجية هتقوم عشان تقعدنى جنب الشباك tongue.gif




ده فندق سان ستيفانو




ودى اسمها ساعة الزهور

يتبع
محبة الرحمن




دى حدائق المنتزة



وده فندق سان من الداخل

يتبع
محبة الرحمن


ده قصر المنتزة

وطبعا ماينفعش تيجوا اسكندرية من غير ماتزوروا بحرى
ومسجد المرسى ابو العباس








محبة الرحمن
رحلة سعيدة ياجماعة
*حماس*
الله الله صور تحفه تسلم ايدك يا قمر
ونورينا على طول فى الباص بقه
لما نشوف ميييييييييييييين اللى هيفسحنا دلوقتى
يلا انتم تعبتوا ولا اييييييييييييييييه ؟؟؟؟؟؟؟؟؟؟؟
محبة الرحمن
اى خدمة ياستى
وطبعا انا مقيمة معاكم
حد يلاقى فسحة وميتفسحش

الله يكون فى عون السواق بقى
*حماس*
ههههههههههههههههه
تنورى يا قمر زى بيتكم برده
بس يظهر انكم زهقتوا ومحدش عاوز يتفسح
انا زعلانه منكم
جنة الله
الصور رااااااائعة يا بنات
فكرتونى بالذي مضى
مين اللى عليه الدور ؟؟؟
عاشقه الجمال
تسلم ايدك بجد الصورة تحفه
*حماس*
يلا يا جنه انتى اللى عليكى الدور
يلا يا قمر مستنينك تفسحينا عندكم
متتائخريش بقه
ووحشتينى على فكره
محبة الرحمن
إقتباس(جنة الله @ 14th Apr 2010, 02:17 PM) *
الصور رااااااائعة يا بنات
فكرتونى بالذي مضى
مين اللى عليه الدور ؟؟؟


إقتباس(عاشقه الجمال @ 14th Apr 2010, 02:27 PM) *
تسلم ايدك بجد الصورة تحفه


ياجماعة دى مش مجرد صور دى حقيقة rolleyes.gif

وبعدين ياحماس الناس شكلها عجبتهم اسكندرية خليهم ياستى قاعدين شوية
*حماس*
اه الظاهر كده فعلا هيلزقوا فى اسكندريه
ههههههههههههههه
جنة الله
ايه دة يا حماس
انتى ما صدقتي
عموما من اول ما عملتى الموضوع
واجري البحث عن تحضير لبورسعيد حلو
ادعيلي
واوعدكم ان شاء الله
الاتوبيس حيبقى مليان لعينه
*حماس*
ماشى يا قمر ربنا معااكى
والدور عليكى دلوقتى يلا منتظرييييييييينك لما نشوف بور سعيد اجمل ولا اسكندريه ولا القاهره
جنة الله
بجد انا متضايقة جدا
كنت عاملة لكم تقرير رااااااااائع
لسة بدوس اضافة رد
النور اتقطع
اهئ اهئ
دايما انا نحس sad.gif
*حماس*
معلش لعله خير
يلا ابدئى تانى معلش اى حاجه مبدائيه كده كفايه تشوووووووويق
ومتعيطيش بقه
عيسوى
لالالالالالالالالالالالا

انا قولت ان الباص اخدتوه على حسابكم لو كان كده فانا هنزل خلاص أهئ أهئ أهئ

انا ماليش دعوة مش قولتى يا حماس انك بعد سيف ؟؟؟؟؟؟؟؟؟؟؟؟؟
*حماس*
احنا انتظرنا حضرتك فعلا وحضرتك مكنتش بتدخل
خلاص ماشى يلا حضرتك عليك الدور
معلش يا جنه هو حاجز قبلك فعلا
على ما تجمعى المعلوومات تانى
معلش اوعى تزعلى
يلا يا اخ عيسوى
منتظرين حضرتك
جنة الله
لالالالالا
دة هو كدة رحمنى
انا فعلا ماجهزتش معلومات كتير
خد رااااحتك خاااالص
انا لسة بدري عليا
مافيش زعل يا جميل
عيسوى
انا والله كتبت رد بدرى بس هحصلت حاجه كده واتلغى الرد كله

هرد الرد تانى وربنا يستر المره دى

بس عاوز اقول لجنه عاوز تقرير شامل عن دليسيبس هههههههههههههههه

بسم الله الرحمن الرحيم نبدأ

جرجا

تعتبر مدينةجرجا من أكبر مدن صعيد مصر ومن أعرق مدن جمهورية مصر العربية وكانت من قبل ولاية مستقلة في بداية الحكم العثمانى, وأصبحت تسمي مديرية جرجا إبان حكم محمد علي وحدودها من اسيوط إلى اسوان, وبدأت المساحة في التقلص حتى أصبحت مساحة محافظة سوهاج الحالية. نقل مقر المحافظة إلى قرية سوهاي أو مدينة سوهاج الحالية عام 1930. سميت المحافظة باسم سوهاج عام 1960.

تاريخ جرجا

كانت قرية طينة أو نجع الطينة حاليا (إحدي قري مركز جرجا) موطنا ومقرا لاول حاكم مصري معروف في التاريخ مينا نارمر الذي تمكن من توحيد مصر ونقل عاصمته الي منف. خلال تاريخ مصر الأول والوسيط كانت لم تبرز المدينة علي مسرح الاحداث فقد كانت خلال تلك الفترة قرية من توابع إقليم اخميم. هناك بعض المصادر التي تذكر ان جرجيو (أميرة فرعونية) سميت المنطقة علي اسمها ولكن الثابت تاريخيا ان اول ظهور لاسم جرجا كان دجرجا وكان يسكنها قبائل هوارة تحديدا أولاد همام وكانوا يحكمون تلك المنطقة طوال الحقبة الإسلامية بدأت دجرجا أو جرجا الصعود مع احتلال القوات العثمانية مصر فقد استطاع سليم الأول ان يحيد بعض امراء المماليك ومنهم علي بك (يوجد مسجد باسمة في المدينة الآن) ومنحهم الاراضي الواقعة من جنوب اسيوط الي حدود النوبة لتكون ولاية عثمانية ياتيهم والي من الباب كل عام أو عام ونصف أصبحت دجرجا خلال تلك الفترة مركزا للحكم العثماني في جنوب مصر واحدي كبريات مدن الامبراطورية العثمانية وازدهرت فيها التجارة والعلم وبنيت فيها العديد من المساجد الكبري كمسجد عثمان بك ومسجد الفقراء (الزبدة) ومسجد جلال بك (أو الشيخ جلال) وكان مركز المدينة في تلك الفترة سوق التكية والغلال (تبقي منه القيسارية ومسجد عثمان بك ومسجد الشيخ جلال حاليا) في عام 1730 انتشر في المنطقة وباء الطاعون الذي حصد العديد من سكان المدينة وهجرها الباقي لمدة طويلة وأصبحت جرجا بعدها ولفترة غير قليلة مدينة مهجورة وخربة قدم الشيخ السيوطي الي جرجا في الفترة بين 1750 - 1770 واستطاع هذا الشيخ الجليل ان يقوم باعمار المدينة اخري من خلال إنشاء مسجد ومعهد ليدرس فيه طلاب العلم من المناطق المجاورة ولان جرجا كانت ذات صيت قبل أنتشار الطاعون فان قدوم الناس إليها واعادة تعميرها لم ياخذ الوقت الكثير حتي انه يذكر خلال عام 1779 حدثت بعض الاضطرابات في القاهرة ووصل صداها الي دجرجا التي استولي عليها مراد بك واقام بها ليتحصن لم يرد ذكر دجرجا خلال فترة انقلاب علي بك الكبير علي العثمانيين في اواسط القرن الثامن عشر ولكن المرجح انه خلال تلك الحقبة كانت دجرجا مدينة بعيده عن اضطرابات مصر والقاهرة. عند قدوم بونابرت مع حملتة عام بدأت مكانة مدينة في التراجع فقد استطاع الفرنسيين ان يستولوا علي المدينة ومن ثم فقد منحوها الي مراد بك الذي تراجع بمكانة جرجا ووضعها كولاية عثمانية حتي خروجهم من مصر الذي اعقبة فترة اضطرابات تولي بعدها محمد علي باشا حكم مصر واستطاع القضاء علي المماليك عام 1815 وأصبح له اليد العليا في اعادة رسم الخريطة المصرية انشا محمد علي في جرجا مديرية كبيرة من ضمن مديريات مصر وجري عليها ما يجري من تغيير في حدود المديريات وتقلصت مساحتها وحجمها فبعد أن كانت تشمل جنوب وادي النيل من النوبة جنوبا حتي اسيوط شمالا أصبحت تشمل فقط علي عدة مدن وقري كطهطا والبلينا وسوهاي إلا أن قيمة تلك الاسر ومكانتها لم يمنع الحكومة في تلك الوقت ان تقوم بنقل مقر المديرية وقوات الامن الممثلة للحكومة الي قرية سوهاي المجاورة لتتدهور مكانة جرجا اكثر واكثر لتصبح في نهاية عام 1960 مركزا من مراكز محافظة سوهاج جرجا الآن مدينة تجارية في الاساس تغيرت مساحتها وان تعد الي الآن أكبر مدن المحافظة وجنوب الصعيد ملحوظة: قد يرجع اسم جرجا الي جرجيو اميرة فرعونية أو الي مارجرجس احد شهداء عصر الاضطهاد الروماني وان لم التاكد من المصدرين ولكن المؤكد ان جرجا كانت تسمي دجرجا حتي نهاية القرن الثامن عشر

احياء مدينة جرجا

رسميا تعتبر جرجا مدينة وحدة محلية واحدة لا تنقسم الي احياء ولكنها شعبيا تنقسم الي عدة مناطق واحياء ترتيبهم من الشمال الي الجنوب

البياضي (كانت الي وقت قريب قرية ومع التطور العمراني أصبحت منطقة من مناطق المدينة)

المشوادي (حي حديث المنشا ومن ارقي مناطق المدينة)

الحوزة (حي متوسط العمر كان معظمة عبارة عن حدائق واقطاعيات والان منطقة سكنية مكتظة وتقع به كلية اللغة العربية جامعة الازهر ويضم جزء من شارع البحر أو كورنيش النيل)

شيخ العرب (حي حديث المنشا يقع شمال غرب خط السكك الحديدية الذي يقسم المدينة الي نصفين شرقي وغربي اشهر شوارعه شارع حسني مبارك)

منطقة وسط البلد (وتضم الصهريج أكبر ميادين المدينة - شارع السنترال - شارع السيما أو سعد زغلول اشهر الشوارع التجارية - شارع فاروق شارع تجاري مميز)

الابعادية (يقع جنوب غرب المدينة وهو حي حديث المنشا وحي مكتظ سكانيا)

الجبانة (من الاحياء القديمة)

النفادة (أقدم مناطق المدينة ويعتبر الحي القديم أو جرجا القديمة وبه كل اثار المدينة الإسلامية)

شارع السوق القديم (وله سمت خاص به وهو مخزن لارباب الحرف المهرة )


الجزيرة (حي حديث يقع جنوب شرق المدينة نشأ علي بقايا جزيرة في النيل دفن الفرع الذي يفصلها عن الضفة الغربية للنيل)

المشتل (حي حديث أيضا يقع جنوب المدينة وبه كثافة سكانية عالية)

الصروان والمخمس (وهو احدث مناطق المدينة وامتداد المدينة جنوبا)

الجزيرة الوسطانية (وهي جزيرة تقع قبالة المدينة وتعتبر قرية الي حد كبير وان كانت تقع ضمن حدود مدينة جرجا الإدارية)

الموقع الجغرافي

مدينة جرجا جنوب القاهرة بحوالى 500 كيلو متر وجنوب مدينة سوهاج بحوالي 33 كيلو متر ويحدها من الشمال مركز العسيرات ومركز المنشاه اما من جنوبها فمركز البلينا واول حواضره برديس اما من جهة الشرق فهو مركز دار السلام

مساحة المركز والتقسيم الإداري

تبلغ مساحه مركز جرجا المأهولة بالسكان 157.59 كيلو متر مربع وينقسم مركز جرجا إلي مدينة جرجا وعدد 5 وحدات محلية قروية

تعداد السكان

(2009) 424554(1) نسمة

قرى جرجا

المساعيد(نجع أبوهلالي).

خارفة جرجا

القرعان: تعد قرية القرعان من قرى مركز جرجا التابعة لقرية العوامر وهي تقع بين قرية الخلافية شرقا وقرية العوامر شمالا وقرية المجابرة جنوبا وقرية المحاسنة وخط الحاجر غربا.

المجابرة: مزاتا والشيخ جبر- الزواتنه البحريه - الزواتنه القبلية(وتضم العصارة البحرية) - كوم الصعايد

البربا: *خارفة جرجا - بندار الغربية- بندار الرمليه - أولاد *بهيج - نجوع بندار.

بيت علام:- الزنقور- المشاوده الشرقية - المشاوده الغربيه.

بيت داود: ا-بيت خلاف-بيت الخريبى-الجواهين-الرقاقنه.

العوامر بحري: القرعان-بنى عيش

العوامر قبلي: وتشمل علي العديد من العائلات

الحوطة بجرجا

((الغباشى))ال المعكوف محمد جبريل رمضان

البياضي والقرية: وهي قرية تابعه لبندر جرجا

بندار - تنقسم إلى ثلاثة اقسام هي بندار الغربية وبندار الشرقية وبندار الرملية وكل قسم يضم العديد من النجوع

(الماسنه) وتنقسم إلى ثلاثه اقسم الماسنه الشرقيه والغربيه وكوم جبريل وتشمل على العديد من العائلات

المشاودة الغربية والتي يوجد بها نجع النصارى

أعلام جرجا

الشيخ خالد بن عبد الله بن محمد الجرجاوى الازهرى (838-905 هجريه) نحوى له المقدمه الازهريه في علم العربيه _شرح الاجروميه_ شرح مقدمة الجزريه

الشيخ عبد المنعم عوض أبو شبانه الجرجاوي.1240 - 1308 هو من علماء الأزهر، وقد درس في الأزهر منذ عام 1240 إلى 1280 ه وهو صاحب كتاب شواهد بن عقيل والكتاب مرجع من المراجع الهامة في علم النحو.
العلامه أحمد بن محمد شاكر من آل أبى العلياء من أشراف جرجا (1309-1377 هجريه) له فضل وعلم وتحقيق في علوم الحديث والفقه والاستنباط رفيق درب الشيخ محمد حامد الفقي مؤسس جماعة انصار السنه المحمديه

الشيخ محمود بن ابراهيم نوفل الشافعى (1270 هـ - 1328 هـ) (1853 - 1910م) من علماء جرجا النجب ولد باسيوط وتوفى بجرجا كان رحمه إماما وخطيبا لمسجد المغربي القديم (معجم البابطين لشعراء العربية قي القرنين التاسع عشر والعشرين.بمستوثق خالد الشربتلي1387]])

الشيخ عبد الرحيم بن عبد الرحمن السيوطي الجرجاوى (1281 - 1343 هجريه) له ترجمة في الاعلام للزركلى

الشيخ أحمد بن محمد بن شحاته الجحاوى البطائحي الجرجاوي (1308_1392 هجرية) كان مرجعا ومقصدا في علوم القراءات وكانت له إجازة من عالم جرجا المراغى** (مستوثق الشربتلى.معجم البابطين لشعراء العربيه في القرنين التاسع عشر والعشرين)

الشيخ علي المملوك من علماء الازهر الشريف عند وفاته اذن المؤذنون على منارت جرجا

الدكتور النبوي المهندس وزير الصحة السابق وكان له الفضل من بعد الله قي إنشاء الوحدات الصحية على مستوى مصر

المحامى الدولي سعد فخرى عبد النور من سلالة ارتبطت ارتباطا عضويا مع رجالات الوفد

الشيخ عمر الزيات اول من فضح التشيع عن طريق التصوف بمناقشة وفضح الشيعة المتنكرين قي سمت المتصوفة والمنتسبين بالباطل لعصبة بنى هاشم هاشم

الشيخ كمال الشمندى* الشيخ فاروق بن عبد المجيد آل صالح الرفاعى م1356 هجرية من اهل التصوف السنى

الشيخ عبد الوهاب الشمندى وافته المنيه خارج مصر داعيا إلى الله

((الشيخ عبدالعال المكحل)) له تفسير مخطوط

ونتظروا قريبا مطار جرجا الذى سمى بمطار سوهاج الدولى


معلش مش عارف اجيب صور فى مشكله عندى مش بيفتح جوجل ان شاء الله هجيب كام صورة للمدينه وهتكلم عن المحافظه نفسها واجيب صور ليها

وجزاكم الله خيرا ويارب يعجبكم التقديم ده
جنة الله
يا باااااااااي دة انا بكره ديليسيبس دة
يياااااااااااااااااااااااااانى بكرهه
مش بطيقه خالص كل ما اقولهم نتفسح يقولولى ديليسيبس
لما بقيت مش بطيقه
انا رديت قبل ما اقرا
وعلى فكرة انت سرعت اوى يا عيسوي
ما لحقتش اعمل حاجة sad.gif
ايه السرعة دى
يلا استنونى كام قرن ولا حاجة
بكره حبقى خلصت كله ان شاء الله
جنة الله
مكرر
اسفة !!
جنة الله
تقرير جميل جدااا يا عيسوي
بجد رااائع
جنة الله
مكررررررر
جنة الله
على فكرة انا نزلت التقرير من غير ما اخد بالي
وماكانش جاهز خااااااااالص
يارب مايكونش حد قراااااه

نداااااء الى حماس
خللى حد تانى يدخل دلوقتي
لو مانزلتش النهاردة حاجة خللى حد ياخد مكانى
وانا اكون بعده
*حماس*
جزاكم الله خيرا يا اخ عيسوى وفى انتظار الصور
ومنتظريييييينك يا جنه
.
Invision Power Board © 2001-2014 Invision Power Services, Inc.