طلاب الدبلومات يتظاهرون أمام "التعليم العالى" ويهتفون ضد "هلال"

بقلم : أبو علي
التاريخ : 2010-10-20 08:18:00 , عدد المشاهدات : 1265

 

 

 

تظاهر نحو 80 طالباً من خريجى الدبلومات الفنية "نظام الخمسة سنوات"، ظهر اليوم، الأربعاء، أمام وزارة التعليم العالى والبحث العلمى بشارع قصر العينى، احتجاجا على صدور قرار من د. هانى هلال بمنع التحاقهم بالكليات بنظام التعليم النظامى وتحويلهم إلى التعليم المفتوح وهو ما رفضه الطلاب.

هتف المتظاهرون "يا هلال الغى قرارك روح.. إحنا نظامى مش مفتوح" ورفعوا لافتات احتجاجية كتبوا عليها "لا للإهانة فى بلدنا" و"من حقنا دخول كلية التجارة من السنة الثانية" و"ما تقولش ايه ادتنا مصر.. قول هندى إيه لمصر"، وأكد الطلاب أنهم فوجئوا أثناء استخراج شهادة المعادلة أنهم ممنوعين بقرار وزارى صادر عن "هلال" من اللحاق بكليات التجارة بالجامعات الحكومية من السنة الثانية مباشرة وأن الوزارة قصرت التحاقهم بالتعليم الجامعى على النظام المفتوح.













طلاب الإخوان يتظاهرون بعين شمس احتجاجا على تعسف الحرس الجامعى


مظاهرات طلاب الإخوان تتواصل بالجامعات


نظم المئات من طلاب الإخوان المسلمين بجامعة عين شمس، وقفة احتجاجية ضد التدخلات الأمنية داخل الحرم الجامعى، وسط مشاركة كثيفة من الطالبات المحجبات طالبن فيها بوقف تدخل الحرس الجامعى فى الأنشطة الطلابية، ومنع تفتيش طلاب الإخوان بعد ما جرى مع الطالبة "سمية أشرف" بجامعة الزقازيق.

وبدأ الطلاب وقفتهم أمام الباب الرئيسى لجامعة عين شمس، مكبرين ورددوا هتافات "أول مطلب للطلاب أمن الجامعة بره الباب"، و"مين بيحكم الكلية العميد ولا الداخلية؟" و"يا سمية يا سمية الحرية جاية جاية"، و"مصر يا أم ولادك أهم".

وأكد طلاب الجماعة أن ما حدث مع زميلتهم "سمية" بالزقازيق كان فعلا استفزازيا لطلاب الإخوان لأنها بنت أولا وأخيرا.


 


 

Share |

ريمون

قراار ظالم من هاني هلال وزير التعليم العالي ضدنا في المعادلة من منعنا عن الاتحاق بالتعليم النظامي العادي وحولنا الي التعليم المفتوح الذي سوف يتكلف مبالغ باهظة حوالي 2000 غير مصاريف الكتب والمصاريف الشخصية والملازم وهكذا وهذا القرار لم يتم نشرة الا بعد ظهور النتيجة بحوالي 13 ساعة وانا معايا النتيجة اول ما ظهرت من غير اي قرار نثل هذا القرار الظالم وبعد هذة المظاهرة يجتمع بنا الاستاذ الدكتور هاني هلال ويقول لنا هو انت هاتاخدو اية من التعليم مالهوش لزمة انتو ممكن بالدبلومات الي معاكي نعملكو كورسات وبعدها تشتغلو في اماكن كويسة وسبكو من التعليم والكلية والي مش هايقدر علي المصاريف يجي وانا اكملهالو من جيبي هو دة بقي نظام التعليم يا معالي الوزير اظاهر ان البزنس دخل حتي علي حساب الطلاب

شيماء

حراااااااااااااااااام اللى بيتعمل فينا دة هتستفاد ايه بس وانت بتتعس قلوبنا حرام عليك دمرتنا احنا اتظلمنا ف كل مراحل التعليم بالاخص فى الثانوية ونيجى نعمل تظلم تقولو لا ءء ازااااااى حد يظلم الحكومة ونيجى على نفسنا وندخل معهد وعشان نحول من المعهد وندوس على نفسنا ونستحمل وبردو نتظلم فى المعهد وميدوناش حقنا نيجى نعمل معادلة واتصرف علينا الفات واتذلينا طول عمرنا وفى الاخر ننجح ونحمد ربنا نيجى بعد 13 ساعه بالظبط نتصدم بالتعليم المفتوح دة يبقى حرام بجد ربنا ميرضاش بكدة ..........................قول هتستفاد ايه لما تتعسنا كدة مش هنسكت وهناخد حقنا وحسبنا الله ونعم الوكيل على الظالم

شيماء

حراااااااااااااااااام اللى بيتعمل فينا دة هتستفاد ايه بس وانت بتتعس قلوبنا حرام عليك دمرتنا احنا اتظلمنا ف كل مراحل التعليم بالاخص فى الثانوية ونيجى نعمل تظلم تقولو لا ءء ازااااااى حد يظلم الحكومة ونيجى على نفسنا وندخل معهد وعشان نحول من المعهد وندوس على نفسنا ونستحمل وبردو نتظلم فى المعهد وميدوناش حقنا نيجى نعمل معادلة واتصرف علينا الفات واتذلينا طول عمرنا وفى الاخر ننجح ونحمد ربنا نيجى بعد 13 ساعه بالظبط نتصدم بالتعليم المفتوح دة يبقى حرام بجد ربنا ميرضاش بكدة ..........................قول هتستفاد ايه لما تتعسنا كدة مش هنسكت وهناخد حقنا وحسبنا الله ونعم الوكيل على الظالم

حسبي الله ونعمة الوكيل فيك

لية بتظلم فينا حس بالناس ولا عشان انت قاعد علي كورسيك فوق مش هاتحس بالي تحت وخد بالك كورسيك دة زايل لاكن عملك الي مش هايزول وبالذات اذا كان ظلم وانت ظلمتنا يا هاني يا هلال قول الحق انت ظالم ولا لاء اعتبرنا ولادك يا اخي وانا اسف لاننا قولنا ولادك لان احنا هانيجي فييييييييين جمبيهم حس بتعب الي شوفنا في المعادلة بسهر الليل عشان ننجح وانت سعتك منجحنا اية بالتقطير علي الحركرك عشان تدخلنا المفتوح الي انت مقولتش ولا كلمة عنة حتي لما ظهرت النتيجة لاكن قولتة بعدها بحوالي 13 ساعة ولا حاجة بس هاكولك كلمة دعوات الطلاب عليك ودعوات اهليهم الي كانو نفسهم يفرح بيهم وتشوف دموعهم وقت نجحهم وبفرحتهم باولادهم تيجي انت تحول دموع الفرحة لدموع حزن شوف بقي دول دعواتهم عليك هاتوديك لفين ودعوة المظلوم ربنا بيستجيب ليها وحسبي الله ونعمة الوكيل فيك يا اخي وملعون ابو الفلوس الي بتخليكم تدوسو علي الناس ملعون ابو الفلوس والبزنس

سميره

والله حرام اللي بيحصل فينا ده يا جماعه احنا طلبه من اسر متوسطه ازاي هنقدر نتحمل مصاريف الجامعه المفتوحه الباهظه وازاي نبقي ناجحين ويوم النتيجه ما نشوفش الملحوظه الخبيثه دي الا بعدها بحوالي 12 ساعه ده ظلم واضح واحنا مش طالبين الانتظام علي الاقل طالبين الانتساب الموجه واحنا لينا حق الانتساب في بلدنا

الإسم

هو انا عملت المعادلة علشان ادخل تعليم مفتوح ولما هي تعليم مفتوح ليه مقولتوش لينا قبل ما نعمل معادلة ولا المسالة بقت مسالة فلوس وبس لكن احنا مشى هانسكت كفاية ظلم بقى ياوزير هاتروح من ربنا فين بقى ياهانى هلال ولا علشان يقول عليك وزير تخرب الدنيا ولا هاتقلد ذكى بدر

أحمد

السلام عليكم و رحمة الله و بركاته. أنا أحمد عملت معادلة السنة ديه و نجحت الحمد لله. أولا: أنا مش عارف ابدأ الموضوع منين. بس أحب أقول لو احنا كنا عايزين ندخل جامعة مفتوحة كنا دخلنا من الثانوى العام أو من بعد المعهد مباشر و مكناش ضيعنا وقتنا فى المعادلة. ثانيا: لو دخلنا جامعة مفتوحة حيدخلونا من سنة أولى و فى التجارة كنا هندخل من سنة تانية و طبعا حيبا ضيعنا سنتين من عمرنا بجانب الصيف بتاع المعادلة و المصاريف بتاعة المعادلة و القرصات بتاعة المعهد زى ما قلت كنا دخلناها من الثانوى او بعد المعهد على طول. ثالثا: القرار ده نزل بعد النتيجة بيوم و الواحد ملحأش يفرح خالص و لو القرار ده كان نزل قبل ما نبدأ نفكر أن احنا ندخل المعادلة كنا فكرنا مندخلهاش لأن المعادلة معروف انها صعبة و قليل اوى اللى بينجح فيها. رابعا: الجامعة المفتوحة جيش مش بتأجل الجيش طبعا. خامسا: الوزير لغى الانتساب و السنة اللى فاتت اللى كان بيجيب اقل من 52 كان بيدخل انتساب يقوم سيدتوه يلبسنا جامعة و مفتوحة أعوذ بالله يعنى و أكيد هو لبسنا علشان ندفع مصريف أكتر خصوصا أن الجامعة الفتوحة بتاعة أسكندرية غليت السنة ديه و بأة أغلى من بياعة القاهرة و كل سنة بتزيد يعنى: سنة أولى ب 2400 جنية سنة تانية ب 3000 جنية سنة تالتة ب 4000 جنية سنة رابعة ب 5000 جنية القاهرة ب 2000 جنية و الأنتساب كان ب 500 جنية أكيد الفرق كبير جدا و طبعا الواحد مش هيقدر يدفع أد كده كل سنة الواحد كان يدخل أى كلية أو أى معهد محاسبة أو إدارة أعمال أو أى حاجة تانية هيبأ أرخص من الجامعة المفتوحة بس أحنا عايزين ندخل كلية التجارة و متمسكين بكده و لو الواحد فينا هيدفع المبالغ ديه و (نصيحة) يبأ أحسنلو يروح يعملو مشروع أحسن أهو يكوين نفسو على شان يلحق يتجوز بردو صح و لا لأ. لأ سادسا: طبعا لو كان الوزير درس القرار اللى نزلوه ده أو أى حد من المسؤلين درسوه كان ممكن يبأ القرار ده كويس لينا لو نزل كالأتى اللى جايب أقل من 52 يدخل جامعة مفتوحة بس بأجر رمزى نظيرا للمجهود اللى عملناه كلنا و المصاريف اللى دفعناها بس أحنا بردو متمسكين اللى أحنا ندخل كلية تجارة أنتظام طبعا لأنه لغى الأنتساب. سابعا: أقتراح حاليا فى الكلية فى سنة تانية فى أنتساب و فى أولى أنتساب بس الساقطين بس الوزير لو كان هيعمل القرار ده كان ممكن يدرسه ده لو درسو أصلا كان يدخلنا أحنا أنتساب السنة مع سنة تانية لأن عددنا مش كتير لأن فى طلبة كتير بتدخل المعادلة و قليل اللى بينجح بس و يعمل القرار ده السنة اللى جاية. أحنا عايزين نبأ حاجة فى البلد ديه بس هما بيأفلوها فى وشنا طب نعمل أيه هو التعليم فعلا مش نافع بس أحنا عايزين نبأ حاجة يعنى أنا أخواتى متخرجين تجارة و هندسة و نظم و معلومات معهد العباسية اللى هو أرخص من الجامعة المفتوحة و أنا فنى تجارى يا حلاوة مينفعش طبعا. يعنى ديه بعض المقترحات و الحلول اللى كان ممكن يتخدها المسؤلين و أساس المشكلة أو نتيجة القرار هو ضياع الوقت فى المعهد و المعادلة و المصاريف و القرارات المصيرية اللى بيتخدها المسؤلين دون دراسة للموقف و مستقبل الشباب (اللى هو ضايع ضايع). فا يا ريت تقفو معانا فى مشكلتنا ديه و أنتو الوحيدين اللى تقدرو تعملولنا أى شئ أو تغيروا القرار ده و لو غيرتو القرار ده أكيد هتغيرو من مستقبل شباب كتير بدل من العطلة و القعود على الكفيتريات لأن شهدتنا فوق المتوسط و مش معقول يعنى لما واحد يتقدم لواحدة هيتقدم بالشهادة ديه ده كل اللى أنا قدرت أقولوه و تسعدينا. و الواحد مننا أعصابوه تعبة عبال ما طلعت النتيجة و لما طلعت ملحأش يفرح و الله أنا واحد صحبى قالى أنا الحمد لله اللى أنا سقط لما سمع القرار ده. أنا متأسف على الأطالة و شكرا.

ماريان رفعت

والله حرام اللى بيحصل ده بعد تعب ومجهود ومصاريف يقولولنا مفتوح بس انا واثقه من ربنا انه مش هيسيب حقنا يضيع هدر واحنا فعلا من اسر متوسطه ووالله العظيم انا اعرف ناس اصحابى كانوا بيموتوا ليل ونهار فى الشغل عشان يجيبوا فلوس المعادله وبعدين اللى سقط واللى نجح ضاعت فلوسه ومجهوده بس برجع واقول الحمد لله احنا احسن من الى مانجحوش خالص نشكر ربنا واللى عايزه هو اللى يكون

عبده

هل تم الغاء الانتساب بالنسبة لمعادلة المعاهد الفنية التجارية واذا كان كذلك فسيصبح هناك عدم تكافؤ الفرص بين الحاليين والسابقين و كيف يدخل الطالب التعليم المفتوح بالسنة الثانية وهناك ماهو أهم من ذلك أن الأعباء الملقاة على كاهل رب الاسرة ليست بالشىء الهين أى لاتتحمل ضغوطا أكثر من ذلك وهذا ما يسببه اجبار اولادنا على الدخول بالتعليم المفتوح حيث أن مصاريفه أكثر من الانتساب وأيضا ما فائدة المعادلة حيث أن الطالب كان بامكانه يدخل التعليم المفتوح دون اللجوء الى المعادلة… يا ليتنا نجد حلا عند سيادة الوزير

محمد ابراهيم

يجب تطبيق الغاء خمس سنوات للتعليم المفتوح على الدبلومات الفنية دفعات 2007\\2008\\2009 لاتاحة الفرصة فى مستقبل افضل وفق الله الجميع الى كل خير